منتديات الكاملين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» العدل فى حياة الحبيب
مكياج البنات Emptyالأربعاء أغسطس 25, 2010 1:52 am من طرف ابو شهد

» العاميه السودانية
مكياج البنات Emptyالأربعاء أغسطس 25, 2010 1:18 am من طرف ابو شهد

» حوارى مع الغراب 1
مكياج البنات Emptyالإثنين أغسطس 23, 2010 2:37 am من طرف ابو شهد

»  حكمة و شعر
مكياج البنات Emptyالإثنين أغسطس 23, 2010 2:11 am من طرف ابو شهد

» ]الالفاظ العامية السودانية[/
مكياج البنات Emptyالإثنين أغسطس 23, 2010 1:56 am من طرف ابو شهد

» الالفظ العاميه
مكياج البنات Emptyالإثنين أغسطس 23, 2010 1:23 am من طرف ابو شهد

» استبداد امرأة
مكياج البنات Emptyالسبت أغسطس 21, 2010 3:34 am من طرف ابو شهد

» الفرق بين حب الرجل وحب المرأة
مكياج البنات Emptyالسبت أغسطس 21, 2010 3:12 am من طرف ابو شهد

» قبل وبعد الزواج
مكياج البنات Emptyالسبت أغسطس 21, 2010 3:01 am من طرف ابو شهد

التبادل الاعلاني
احداث منتدى مجاني
pubarab

مكياج البنات

2 مشترك

اذهب الى الأسفل

مكياج البنات Empty مكياج البنات

مُساهمة  waleed الأربعاء مايو 13, 2009 5:21 pm

أولا نطلب السماح من كل الجنس اللطيف .. لأانو دا بوست
للفرفشفة وبس ودعوة لبعض اللواتي يذهبن وراء الموضة
أن يتبعن ما يتماشى مع خلقة رب العباد من حيث القبح والجمال
ولكم العتبى حتى ترضين .. وهبا ندخل في البوست
.................................................. ..........................
مثلا :
تلقى واحده عاملة روج ( أحمر شفايف ) وتكون هي من
النوع الكاتم مررررررررة( زرقة بازنجان) وعلى العليها
تلقى عندها خشم سبحان الله من شلاليفها (برطمان )
تلقاها واقفة بس تقول إشارة مرور مولعة أحمر
وتتجاهل قول الشاعر :
أقيس الفم بودعة ألقى الودع واسع
أو قول الشاعر:
لا أظن أن الأحمر المثقوب فم بل هو وردة حمراء مكسوة لحم ودم
عشان كده بنوجه الجنس الناعم إنو الروج لتوضيح جمال الفم وليس لتجميل الفم
......................................
ومثال ثاني :
تلقى الواحدة ضاربه وشها ديانا مخلياهو ذي حوش الحكومة (أصفااااار)
وهي لونها (جده غير ) والوش طووووووويل مسطرينة بناي
وبرضو تتجاهل قول الشاعر :
أشوف في خدو شخصي وفي صدرو المدافع
أو قول الفنان:
ذي القمر مدور ومدور
..............................................
مثال ثالث :
تلقى الواحدة لا بسه ليك ضييييق (بدي) وهي يا أعوذ بالله نحيفة
عدمانه التقاسيم لو مسكتها بس تقول مسطرة طالب هندسة
أحرف جزار ما يطلع منها ربع كيلو ..سواقين نعامة بس ربنا يكرم القراء
لا عندها عربي ولا إنجليزي .قاده في كلو
وتتجاهل قول الشاعر :
خلي جات متبوعة صافية كالدينار
في القوام مربوعة وشوفا عالية منار
طلعة ما تتقابل ذي لهيب النار
تحرق البتهابل والبعيد في نار
أو قول الشاعر :
لقيتو واقف منتظر تتشتاق عيوني لى روعتو
نفس الملامح والشبه الهيبة ذاتا وقدلتو
اللفحة والتوب والقوام مشوار حنيني ولوعتو
أو قول الشاعر:
غراء فرعاء مثقول عوارضها تمشي الهوينى كما يمشي الوجي الوحل
كأن مشيتها من بيت جارتها مر السحاب لا ريث ولا عجل
.................................................. .............
ومثال آخر العيون :
الكحل وما أدراك ما الكحل ... العيون قدر السكسة والكحل واصل للأضنين
والرموش تركيب طولها متر ذي فنانتنا (فلانة) ليش توسخن وشكن بالسكن ما دام مافي أصلا عيون وفي قدود جلد الضحية .
وتنسن قول الشاعر :
العيون التي في طرفها حور قتلننا ثم لم يحينا قتلانا
أو قول الشاعر :
عيونك فيها شي يحير وأغير في أتجاه الزول
أو قول الشاعر :
أقول ليها عويناتك شعاع نورن .......
.................................................
نوقف هنا وإن شاء الله في الجزء الثاني نتناول بقية ما تبقى
من الطول والهبالة والقصر العوارة والشعر وغيره .. إنتظرونا لا تروحوا بعيد .
وبرضو بقول لكن العذر حتى ترضين ..فمنكن من هن أخواتي وصديقاتي وأحبائي .. وهذ من باب المزاح ليس إلا والفرفشفة الخفيفة
waleed
waleed

عدد الرسائل : 7
تاريخ التسجيل : 13/05/2009

الرجوع الى أعلى الصفحة اذهب الى الأسفل

مكياج البنات Empty رد: مكياج البنات

مُساهمة  مآثر الجمعة يوليو 24, 2009 11:58 am

الاخ وليد مشكور على الفرفشه الظريفه دي لاكن ياخي انتا مامواكب الحضاره الزمن دا بقت لازم الواحد يكون نحيف وماعندو عربي ولا انجليزي.... كدى بيكون انسان مودرن
مآثر
مآثر

عدد الرسائل : 21
تاريخ التسجيل : 24/07/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى